Türkiyə ilə Gürcüstan arasında hərbi əməkdaşlıq məsələləri müzakirə olunub
Tbilisi, 16 aprel, AZƏRTAC
Gürcüstanda səfərdə olan Türkiyə Böyük Millət Məclisinin (TBMM) milli müdafiə komitəsinin sədri Hulusi Akarın rəhbərlik etdiyi nümayəndə heyəti müdafiə naziri İrakli Çikovani ilə görüşüb.
AZƏRTAC xəbər verir ki, bu barədə Gürcüstan Müdafiə Nazirliyi məlumat yayıb. Bildirilib ki, görüşdə ikitərəfli hərbi əməkdaşlıq məsələləri müzakirə olunub.
İrakli Çikovani Gürcüstan və Türkiyə arasında səmərəli əməkdaşlığın regional sülh və sabitlik üçün əsas şərt olduğunu vurğulayıb. Bu kontekstdə strateji əməkdaşlığın önəmi xüsusi qeyd olunub.
Söhbət zamanı tərəflər, həmçinin Azərbaycan, Türkiyə və Gürcüstan arasında üçtərəfli hərbi əməkdaşlığa dair fikir mübadiləsi aparıblar. Qeyd edilib ki, bu əməkdaşlıqdan məqsəd regional təhlükəsizliyi gücləndirməkdir.
İrakli Çikovani 2024-cü ildə Tbilisinin Azərbaycan-Türkiyə-Gürcüstan müdafiə nazirlərinin görüşünə ev sahibliyi edəcəyini diqqətə çatdırıb.
Xətayi Əzizov
AZƏRTAC-ın xüsusi müxbiri
Tbilisi
Hindistan aprel ayında Rusiyadan neft idxalını 20 faiz artırıb
Müharibə və müstəmləkəçilik yaşamış sülh şəhəri – Hanoy VİDEO
Viktor Orban: Avropa liderləri odla oynayırlar
HƏMAS İsrailin Qəzzada atəşkəs barədə təklifini nəzərdən keçirir
Alimlər oranqutanqın bitki ilə yaraları müalicə etməsini öyrənir