Antoni Blinken: İsrailin müdafiəsini dəstəkləməyə və regiondakı şəxsi heyətimizi müdafiə etməyə davam edəcəyik
Vaşinqton, 15 aprel, AZƏRTAC
Prezident Baydenin İsrail baş naziri Benyamin Netanyahuya dediyi kimi ABŞ İsrailin müdafiəsinə sadiqdir.
AZƏRTAC-ın ABŞ bürosunun verdiyi məlumata görə, bu fikirləri ABŞ Dövlət katibi Antoni Blinken deyib.
Onun sözlərinə görə, həftəsonu olanlar onu göstərdi ki, əgər İsrail təcavüzün, hücumun qurbanıdırsa, özünü təkbaşına müdafiə etməli deyil.
Dövlət katibi əlavə edib ki, ABŞ həmçinin son 36 saat ərzində gərginliyin qarşısını almaq üçün diplomatik cavabı da koordinasiya edir: “Mən regiondakı həmkarlarımla sıx təmaslarda olmuşam və biz qarşıdakı saatlarda və günlərdə də bunu etməyə davam edəcəyik. Biz eskalasiya istəmirik, lakin İsrailin müdafiəsini dəstəkləməyə və regiondakı şəxsi heyətimizi müdafiə etməyə davam edəcəyik.
Məlahət Nəcəfova
AZƏRTAC-ın xüsusi müxbiri
Vaşinqton
Gürcüstanda ağır yol qəzası olub, 2 nəfər ölüb, 7 nəfər yaralanıb
“Marc Jacobs” sürünənlərin və dəvəquşuların dərisindən istifadəni dayandırır
Çinin dövlət gülü hesab olunan pionun becərildiyi Hıcı şəhərindən VİDEOREPORTAJ