Mariya Stadnik Olimpiya lisenziyasının bir addımlığında
Bakı, 6 aprel, AZƏRTAC
Azərbaycanın qadın güləşçisi Mariya Stadnik Bakıda keçirilən Avropa Olimpiya Təsnifat Turnirində yarımfinala yüksəlib.
AZƏRTAC xəbər verir ki, 50 kiloqramda mübarizə aparan idmançı 1/4 finalda litvalı Qabija Dilyuteyə 41 saniyə ərzində tam üstünlüklə (10:0) qalib gəlib.
O, “Paris-2024” Yay Olimpiya Oyunlarına lisenziya üçün Yuli Marrin Sabatye (Fransa) – Oksana Livaç (Ukrayna) cütünün qalibi ilə görüşəcək.
Qeyd edək ki, bu gün mübarizəyə qoşulan digər qadın güləşçilərdən Elnurə Məmmədova (53 kiloqram), Birgül Soltanova (62 kiloqram) və Elis Manolova (68 kiloqram) təsnifat mərhələsində, Jalə Əliyeva (57 kiloqram) isə 1/4 finalda məğlub olaraq lisenziya qazana bilməyiblər.
ASAPES türk dövlətləri üçün təqaüd proqramı elan edib
Azərbaycan cüdo millisinin “Böyük Dəbilqə” turniri üçün heyəti açıqlanıb
Stolüstü tennis üzrə Azərbaycan birinciliyi keçiriləcək
Azərbaycanın Avropa çempionu FIDE reytinqində irəliləyib
Azərbaycanın voleybol millisi Qızıl Avropa Liqası öncəsi məşqlərə start verib