Azərbaycan millisinin üzvü: Macarıstanla heç-heçə uğurlu nəticədir
Bakı, 6 aprel, AZƏRTAC
“Oyun bizim üçün çox çətin keçdi”.
Bu sözləri AZƏRTAC-a açıqlamasında qadın futbolçulardan ibarət Azərbaycan millisinin üzvü Manə Mollayeva Avropa çempionatının seçmə mərhələsində Macarıstanla 1:1 hesablı heç-heçə etdikləri oyun barədə danışarkən deyib.
27 yaşlı müdafiəçi səfərdə qazanılan nəticənin uğurlu olduğunu bildirib: “Bütün görüşlərə qələbə üçün çıxırıq. Macarıstan Avropanın ən yaxşı komandalarından biridir. Heyətində olan oyunçular güclü klublarda çıxış edirlər. Bizdə isə qadın futbolu yeni-yeni inkişaf edir. Lakin çox möhtəşəm mübarizə apardıq. Meydanda istəkli idik. Bütün kollektivlə qürur duyuram”.
O, qrupda yer alan digər yığmalar – İsveçrə və Türkiyənin də güclü komandalar olduğunu söyləyib: “Aprelin 9-da doğma meydanda İsveçrə seçməsini qəbul edəcəyik. Məqsədimiz bu oyundan üç xal götürməkdir. Potensialımıza inanırıq”.
Qeyd edək ki, “Dalğa Arena”da keçiriləcək Azərbaycan – İsveçrə matçı saat 16:00-da başlayacaq.
Azərbaycan cüdo millisinin “Böyük Dəbilqə” turniri üçün heyəti açıqlanıb
Stolüstü tennis üzrə Azərbaycan birinciliyi keçiriləcək
Azərbaycanın Avropa çempionu FIDE reytinqində irəliləyib
Azərbaycanın voleybol millisi Qızıl Avropa Liqası öncəsi məşqlərə start verib