İdmançımız Zaur Cəfərov tarixi uğurunu təkrarlayıb
Bakı, 10 mart, AZƏRTAC
İdmançımız Zaur Cəfərov tarixi uğurunu təkrarlayıb. O, 2-ci dəfə pauerliftinq (AWPC dopinq kontrol versiyası) üzrə ən yüksək mükafat olan “Elitar Üzüklə” təltif olunub.
AZƏRTAC xəbər verir ki, “Elitar Üzük” ən yüksək nəticəyə görə verilən mükafatdır.
Bu mükafatı ona martın 8-10-da Qırğızıstanın paytaxtı Bişkek şəhərində pauerliftinqin WPC/AWPC versiyası üzrə keçirilən Açıq Asiya çempionatında Qırğızıstan Pauerliftinq Federasiyasının (WPC-AWPC) prezidenti Dmitriy Dorojenko təqdim edib.
Qeyd edək ki, Zaur Cəfərov 2023-cü il iyunun 21-25-də Qırğızıstanın paytaxtı Bişkekdə keçirilmiş Pauerliftinqin (A-WPC dopinq kontrol versiyası) üzrə Açıq Avropa çempionatında 6 dəfə dünya və 6 dəfə Avropa rekordunu yeniləyib, həmçinin 300 kiloqram nəticə ilə ən yüksək dərəcə tələbini yerinə yetirib.
Göstərdiyi yüksək nəticələrə görə ilk dəfə bu mükafatı ona Avropa və Asiya Pauerliftinq Federasıyasının prezidenti (WPC-AWPC,WPO-WPSO) üzrə Ümumdünya İdman Təşkilatının rəhbəri Yuri Ustinov Rusiyanın paytaxtı Moskva şəhərində keçirilən Qran-pri turnirində təqdim edib.
Zaur Cəfərov Azərbaycan pauerliftinq tarixində “Elitar Üzüklə” təltif olunan ilk idmançıdır.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir