Bakı, 6 avqust, AZƏRTAC

Dənizdə batma təhlükəsi ilə üzləşən 7 nəfər xilas olunub.
Bu barədə AZƏRTAC-a Fövqəladə Hallar Nazirliyindən məlumat verilib. Bildirilib ki, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən “Görədil”, “Şüvəlan”, “Mərdəkan”, “Şıx” sularda xilasetmə məntəqələrinin ərazisində, “Bilgəh”, sularda xilasetmə məntəqəsindən kənarda (qeyri-çimərlik ərazi) və Sahil ictimai çimərliyin ərazisində çimərkən batma təhlükəsi ilə üzləşən 7 nəfər xilas olunub.